લક્ષ્ય હાંસલ કરવાનો ઉત્સાહ

જો કંઈક પામવાની જીજ્ઞાશા હોય અને પામવા માટે લાગલગાટ મહેનત કરવાનો ઈરાદો હોય તો કાળા માથાનો માનવી ધારે તે કરી શકે છે. દુનિયાભરમાં અનેક દાખલાઓ મોજુદ છે જેમાં લગભગ બધાએ સ્વીકારી લીધું હોય કે આ કાર્ય અશક્ય છે. તેને શક્ય કરનાર બીજું કોઈ નહિ પણ કાળા માથાનો માનવી છે. નિરાધાર અને લાચાર હોય તો શું થયું? બસ એક તક આપીને તો જુઓ અમે પણ કંઈક અનોખું, અકલ્પનીય કરી શકવાની ક્ષમતા ધરાવીએ છીએ. આવા બાળકોને માટે વાત્સલ્યધામે તકનું નિર્માણકાર્ય કર્યું છે.

બાળકોમાં રહેલી અદભૂત શક્તિઓને બહાર લાવવા માટે આયોજનબધ્ધ રીતે કાર્ય કરવું પડે છે. વાત્સલ્યધામમાં બાળકોનું રમતગમત ક્ષેત્રે છુપાયેલું કૌશલ્ય બહાર લાવવા માટે પાયાની સુવિધાઓ ઊભી કરવામાં આવી છે. બાળકો નાનપણથી વિવિધ રમતો શીખે અને સમય આવ્યે જે તે રમતમાં પોતાનું કૌશલ્ય દેખાડી શકે તે પ્રકારનું પ્લેટફોર્મ ઉભું કરવામાં આવ્યું છે.