શરદઋતુની મોસમ દરમિયાન, મેં વાત્સલ્યધામમાં પહેલો પગ મુક્યો અને ધોરણ ૪માં પ્રવેશ મેળવ્યો. કેમ્પસ જોઈને હું પહેલી નજરે સંપૂર્ણપણે પ્રભાવિત થયો અને પ્રેરણા મળી. જે રીતે વૃક્ષો ઋતુ દરમિયાન પાંદડાઓ ખેરવી નાખે છે,તેવી જ રીતે,હું મારી બધી ખરાબ ટેવને છોડી પોતાની જાતને વિકસાવવા માટે કટીબધ્ધ થયો.

શરૂઆતમાં, મારા પરિવારથી દુર રહેવું અને નાના ભાઈની સંભાળ રાખવી મુશ્કેલ હતી. વાત્સલ્યધામમાં ઉત્સાહિત અને મદદરૂપ વાતાવરણ હતું અને તેના દરિયામાં પ્રેમ તથા દેખભાળની ઊંડાઈ હતી કે જેથી મારા જેવા અજાણ વ્યક્તિને કેમ્પસનો ભાગ બનવા માટે ઘણું સહેલું થઈ શકયું. 3 વર્ષ સુધી મને કિચન, છાત્રાલય અને ટીમવર્ક વિભાગના નેતૃત્વની તક આપવામાં આવી. એ સમય દરમ્યાન મેં મારા સાથીદારોને ફોટોગ્રાફી કરતાં જોયા અને મને તે શીખવાની આતુરતા થઈ. આ વાતની ચર્ચા મેં અમારા ડાયરેક્ટરને કરી જેથી મને એમણે એક ઇવેન્ટમાં ફોટોગ્રાફી કરવાની તક આપી.તેમણે મારા સર્જનાત્મક કામની પ્રસંશા કરી અને કેમ્પસના ફોટોગ્રાફર તરીકે મારી નિમણુંક કરી.

વાત્સલ્યધામમાં દરેક બાળકની રુચિ વિકસાવવા માટે ઘણી જીવન-સમૃધ્ધ પ્રવૃતિઓ છે. મને કબડ્ડીમાં રસ હતો અને ઘણા રાજ્ય તથા રાષ્ટ્રીય સ્તરે સ્પર્ધાઓમાં ભાગ લેવાની તક મળી.હું હંમેશા પ્રાર્થનામાં ભાગ લેતો અને પ્રેરક પ્રવચન આપવા ઉત્સુક રહેતો.